អន្តរជាតិ៖ រដ្ឋាភិបាលអេក្វាឌ័របានឱ្យដឹងកាលពីថ្ងៃអាទិត្យ ថាយ៉ាងហោចណាស់អ្នកទោសយ៉ាង ១២នាក់បានស្លាប់ និង១០នាក់ផ្សេងទៀតបានរងរបួស ក្រុមក្មេងទំនើងប៉ះទង្គិចគ្នានៅពន្ធនាគារក្នុងប្រទេសអេក្វាឌ័រ។
អំពើហឹង្សានៅក្នុងពន្ធនាគារអេក្វាឌ័រ ដែលរដ្ឋាភិបាលនិយាយថា ពាក់ព័ន្ធនឹងជម្លោះក្រុមក្មេងទំនើងជុំវិញការជួញដូរគ្រឿងញៀន បានសម្លាប់មនុស្ស ៣១៦នាក់ហើយកាលពីឆ្នាំមុន។
សាច់ញាតិរបស់អ្នកទោសជាច្រើននាក់បានចាំនៅក្រៅពន្ធនាគារអស់រយៈពេលជាច្រើនម៉ោងដោយរង់ចាំព័ត៌មានពីអាជ្ញាធរ។
រដ្ឋាភិបាលបាននិយាយថាមិនមានរបាយការណ៍អំពីអ្នកទោសដែលរត់គេចខ្លួនពេលមានជម្លោះនេះនោះទេ។
រដ្ឋមន្ត្រីមហាផ្ទៃអេក្វាឌ័រ Patricio Carrillo បាននិយាយថាករណីនេះមិនទាន់ត្រូវបានគ្រប់គ្រងនៅឡើយជាអកុសលពន្ធនាគារគឺរងការគំរាមកំហែងជាយូរមកហើយ។
«យើងបានរង់ចាំជាង២០ម៉ោងសម្រាប់អាជ្ញាធរដើម្បីគ្រប់គ្រងស្ថានភាពដែលមានការវាយតបគ្នានោះ»៕
